2015年12月3日 星期四

風水屋之選擇: 大埔昌運中心 (下)



   (續上卷)  上次提到在下的老友想找風水師睇睇流年家居風水,由於我地在平時朋友聚會期間,大家都會問我有關家居風水上的問題,所以這個老友一諗便找在下幫其勘察家居風水來催吉避凶。




   這位老友家住大埔昌運中心上某中層單位,屋苑共有四幢大廈,眼見外觀有點退氣之感覺。 當在下進入單位觀察後,發覺單位內並無任何風水擺設物,我便好奇地問曰︰以前是否無搵過人睇風水? 答曰︰是。 我再問曰︰為何突然要搵人睇風水呢? 答曰︰我地由 2000年開始搬嚟住,家人生活同工作方面尚算滿意,係間中會有小病痛。 而小女經常同家人唱反調,而且亦無心向學。 你知我亦一向有賭馬既習慣,自從搬嚟頭兩三年間中有嬴過錢外,之後到依家咁多年都係輸多贏少,所以想睇下可否借助風水之力來改變好呢D運程。 我曰︰明了! 不過等在下先睇睇此宅外巒頭同理氣再作定論。


    大廈約於1988年落成,屬於七運局,始於 1984年至2003年止。 走入房內觀看巒頭外局形勢,明堂尚算寬闊而開揚。 青龍方成砂手而捲案過明堂,旺宅中男性及正財,但有壁刀直沖成煞,宅內人恐要受一刀之苦,屬龍者更甚。 白虎方短,宅中女性及偏財較為弱之,但有一個十字路口成四水歸堂局及一個小山為倉庫,大利財運及聚財。 玄武有多幢大廈作靠。



    形家巒頭之勢已知,於是下盤格之。 子山午向,七運局。 向首雙星為86,當運山星下水及失運退氣向星,成為山裹龍下水,損财傷丁局。幸好坤宮納雙星68之氣,當運財星見四水歸堂局及一倉庫,大利財運及聚財,宅內母親及女性更甚。 大門於坎宮納雙星77之氣,所以老友入住頭幾年既偏財運都比較好,因為7赤為當時得令星,但現為下元八運,雖已為退氣星,但於下元運仍有點微力,不過此老友經常性關閉大門,所以此點微力就一直未能催動之,咁如何會有偏財運呢? 兌宮納雙星14文昌之氣,但不幸地入了厠所,小朋友既讀書成績又點會好呢? 慶幸宅內另有一合適宮位可用之。 廚房建於乾宮,火燒天門,專出不孝子,難怪女兒一言九頂,你頂我一句,我頂番你十句。

    總括而言,這個單位未至於丁財兩敗,尚有可取之處。 既然巒頭及理氣已知, 在下於是教此老友催旺化煞之術後,又是在下功成身退之時了,現只靜待老友報上喜訊來。       (本篇完)


香港風水師 尊榮 - 堪輿風水命理

網址: http://johnwing-fengshui.blogspot.hk
          http://m.facebook.com/johnwingfengshui
電子郵箱: johnwing.fengshui@gmail.com
新玄機玄學雜誌 - 尊榮文章:
http://fengshui-magazine.com.hk/pub/johnwing-pub.htm